Në foto: Renis Dobra

Siciljan Çakrri u vu në pranga në Tiranë për dyshime që lidhen me lëndët narkotike. Ai është djali i Petrit Cakrrit, i akuzuar në dosjen e vrasjes së Renis Dobrës

TIRANË – Siciljan Çakrri është arrestuar mbrëmjen e së premtes në zonën e Astirit në Tiranë, pasi dyshohet për përfshirje në veprimtari të paligjshme të lidhura me lëndët narkotike.

Sipas të dhënave paraprake, Cakrri u vu në pranga nga forcat operacionale dhe pritet të dalë të shtunën para Gjykatës së Tiranës, ku do të njihet me masën e sigurisë.

Siciljan Cakrri është djali i Petrit Cakrrit, i cili akuzohet për rrëmbimin dhe vrasjen e Renis Dobrës.

Renis Dobra, 23 vjeç, u vra në Mat në korrik të vitit 2025. Sipas hetimeve, pamjet filmike kanë dokumentuar rrëmbimin e tij, ndërsa për ngjarjen akuzohen Petrit Cakrri dhe vëllezërit Kristi e Fation Bushgjokaj.

Hetimet për rastin e ri ndaj Siciljan Cakrrit lidhen me dyshimet për posedim të lëndëve narkotike.

Vrasja e Renisit u zbardh në korrik 2025

Policia e Dibrës zbardhi vrasjen e 23-vjeçarit Renis Dobra në fillim të korrikut 2025 dhe tha atëherë se arrestoi 2 prke autorëve të dyshuar, Petrit Çakrri dhe Fation Bushgjokaj.

Ndërsa u shpallën në kërkim 2 vëllezërit e Fationit, Aleksandër dhe Kristi Bushgjokaj. Viktima u rrëmbye dhe u mbyt me litar, ndërsa motiv dyshohet se janë konfliktet për trafik droge.

Çakrri, dëshmitar në vrasjen e Azem Hajdarit

I akuzuari Petrit Çakrri banues në Tropojë, i cili rezulton të jetë edhe një prej dëshmitarëve okularë të vrasjes së ish-deputetit të PD-së, Azem Hajdari më 12 shtator 1998.