PRISHTINË – Kryeministri në detyrë i Kosovës, Albin Kurti, ka përsëritur qëndrimin e Lëvizjes Vetëvendosje se presidenti i ardhshëm i vendit duhet të jetë një figurë konsensuale, me mbështetje sa më të gjerë politike dhe shoqërore.

Në një deklaratë të bërë publike, Kurti theksoi se partia e tij synon të arrijë një marrëveshje me subjektet e tjera politike për këtë çështje, me qëllim parandalimin e një cikli të ri zgjedhor. Sipas tij, kreu i ardhshëm i shtetit duhet të jetë një personalitet me merita, vlera kombëtare e qytetare, si dhe i dëshmuar në profesion.

Deklarata vjen në një kohë kur zhvillimet politike në vend janë tensionuar, ndërsa opozita ka kërkuar vazhdimin e seancave për zhbllokimin e institucioneve.