Kryeministri izraelit Benjamin Netanyahu ka lëshuar akuza dhe kritika të ashpra ndaj Britanisë së Madhe, duke e ironizuar atë si një "Republikë Islamike", gjatë një interviste të dhënë në podkastin e Radios së Ushtrisë.

Deklarata e tij e diskutueshme erdhi ndërsa fliste për familjen Churchill dhe mënyrën se a kishin raportuar dikur pozitive për Izraelin. Duke iu referuar tensioneve aktuale mes Londrës zyrtare dhe Tel Avivit për luftën në Gaza, Netanyahu u shpreh me ironi për ndryshimet demografike dhe qëndrimet politike në Mbretërinë e Bashkuar.

"Përpiquni të gjeni diçka të tillë tani në Britani, të cilën mund ta quani ‘Republika Islamike e Britanisë’", u shpreh ai duke qeshur. Kur gazetari e pyeti nëse e gjithë Evropa ndodhet në të njëjtën situatë, kryeministri izraelit u përgjigj me "po", duke aluduar për komunitetet myslimane në kontinent dhe qasjen gjithnjë e më kritike të qeverive evropiane ndaj Izraelit.

Në mbyllje të kommentit të tij, duke iu referuar ambicieve bërthamore të Iranit, Netanyahu shtoi me ironi se "Republika e parë islamike bërthamore do të jetë Republika Islamike e Britanisë", ndërsa theksoi se vendi i tij po sigurohet që të mos lejojë një të tillë në Iran.