Shtetasit shqiptarë do të mund të udhëtojnë pa viza drejt Mbretërisë së Marokut për qëndrime afatshkurtra, pasi autoritetet kompetente marokene kanë vendosur heqjen e këtij regjimi. Lajmi është konfirmuar zyrtarisht nga Ministria për Evropën dhe Punët e Jashtme.

Sipas njoftimit të përcjellë nga Ambasada e Mbretërisë së Marokut me seli në Romë, vendimi hyn zyrtarisht në fuqi më 15 gusht 2026.

Lehtësimi i lëvizjes vjen në zbatim të angazhimeve të përcaktuara në Deklaratën e Përbashkët të nënshkruar më 1 mars 2025, mes ministrit të Jashtëm maroken dhe ish-ministrit për Evropën dhe Punët e Jashtme të Shqipërisë, Igli Hasani.