TIRANË – Monedhat e huaja vijojnë të tregtohen në nivele të ulëta kundrejt lekut, ndërsa euroja dhe dollari mbeten në fokusin e tregut valutor shqiptar.

Sipas kursit të publikuar për ditën e sotme, dollari amerikan blihet me 80 lekë dhe shitet me 81.1 lekë.

Ndërkohë, euroja blihet me 92.5 lekë dhe shitet me 93.3 lekë.

Edhe monedhat e tjera kryesore vijojnë të këmbehen në nivele të përcaktuara nga tregu. Franga zvicerane blihet me 98.4 lekë dhe shitet me 99.8 lekë.

Paundi britanik blihet me 107.9 lekë dhe shitet me 108.9 lekë, ndërsa dollari kanadez blihet me 57 lekë dhe shitet me 58.1 lekë.

Të dhënat zyrtare të Bankës së Shqipërisë tregojnë ndërkohë se kursi referencë i publikuar për euron është 92.61 lekë në blerje dhe 93.22 lekë në shitje, ndërsa për dollarin amerikan është 80.15 lekë në blerje dhe 81.02 lekë në shitje.

Rënia e valutave të huaja kundrejt lekut është një tendencë që ka vijuar gjatë vitit 2026. Euroja ka zbritur në nivele historikisht të ulëta, e ndikuar ndër të tjera nga flukset e larta të valutës në vend.

Kursi i këmbimit mund të ndryshojë gjatë ditës dhe mund të ketë diferenca mes bankave dhe pikave të këmbimit valutor.