Janë bërë publike për herë të parë pamje të deklasifikuara të avionëve që po përdor Forca Ajrore Shqiptare në operacionet e saj në vend. Në to janë përdorur dhe mjete ajrore pa pilot.

Këto operacione që shihni në galeri, kanë konsistuar në evidentimin dhe neutralizimin e vatrave të zjarrit në zona të ndryshme të vendit.

Në ditët e fundit, monitorimi ajror me mjete ajrore pa pilot është intensifikuar mbi zonat e prekura nga zjarret, nga Mallakastra dhe Dajti, në Tiranë, deri në Krujë e Lurë, ndërsa vëzhgimi shtrihet sipas nevojës në të gjithë territorin.

Me Bayraktar TB2, Detashmenti UAV i Forcës Ajrore siguron pamje dhe informacion në kohë reale mbi vatrat e zjarrit, ndjek zhvillimin e tyre dhe monitoron edhe lëvizjen e helikopterëve të angazhuar në operacionet e shuarjes.

Të dhënat e siguruara nga ajri ndihmojnë strukturat përgjegjëse në koordinimin e forcave, orientimin e ndërhyrjeve dhe reagimin e shpejtë aty ku situata e kërkon.