Ka përfunduar pas rreth pesë orësh takimi i kryeministrit Edi Rama me kryetarët socialistë të bashkive në Kuç të Vlorës, ku në fokus ishte reforma e re administrativo-territoriale.

Në mbledhje morën pjesë edhe ministri i Pushtetit Vendor, Ervin Demo, dhe kreu i Reformës Territoriale, Arbjan Mazniku.

Reforma e propozuar nga Partia Socialiste ka hasur kundërshtime nga qytetarë dhe kryebashkiakë në disa zona, ndërsa prej ditësh janë zhvilluar protesta kundër shkrirjes së bashkive.

Sipas propozimit të PS-së, numri i bashkive në Shqipëri do të reduktohet nga 61 në 46.

Bashkitë që propozohet të shkrihen janë Fushë-Arrëz, Klos, Rrogozhinë, Dimal, Poliçan, Patos, Divjakë, Selenicë, Maliq, Këlcyrë, Memaliaj, Libohovë, Cërrik, Belsh dhe Përrenjas.