Ushtruesja e detyrës së Presidentes së Kosovës, Albulena Haxhiu, ndërpreu një konferencë për media në hollin e Kuvendit, pasi pranë saj u shfaqën deputetë të PDK-së dhe AAK-së, të cilët kërkuan vazhdimin e seancës konstituive.

Gjatë përplasjes, Haxhiu iu drejtua deputetes së PDK-së, Ganimete Musliu, duke thënë:

“Ah, paska planifiku PDK-ja me mbajtë konferencë. Hajdeni. Vazhdoni”.

Pak më herët, deputetja e PDK-së, Vlora Çitaku, kishte kritikuar situatën në Kuvend, duke thënë se deputetët e zgjedhur nuk kishin pasur qasje në sallën ku zhvillohet puna parlamentare.

“Unë jam deputete e zgjedhur, këta të gjithë janë deputetë të zgjedhur dhe këto dyer janë të mbyllura për ne”, deklaroi Çitaku.

Në sallë ndodhej edhe Haxhiu, e cila e kundërshtoi menjëherë deklaratën e saj.

“Jo, jo, e hapur është”, tha Haxhiu.