KORÇË — Kristian Sterjo ka mbërritur mëngjesin e kësaj të mërkure në Gjykatën e Korçës, nën masa të rrepta sigurie, ku pritet të zhvillohet seanca për caktimin e masës së sigurisë ndaj tij.

Sterjo dyshohet se vrau me armë zjarri, tip kallashnikov, një person me të cilin kishte pasur njohje që nga fëmijëria.

Prokuroria e akuzon për veprat penale “Vrasje me paramendim” dhe “Mbajtja pa leje dhe prodhimi i armëve, armëve shpërthyese dhe municionit”.

I riu është shoqëruar në gjykatë nën masa të shtuara sigurie, ndërsa gjatë seancës pritet të shqyrtohen rrethanat e ngjarjes dhe kërkesa e organit të akuzës për masën e sigurimit personal.

Hetimet për ngjarjen vijojnë për të dokumentuar dinamikën e plotë të krimit, motivin dhe rrethanat në të cilat ndodhi vrasja.

Sterjo konsiderohet i dyshuar deri në një vendim përfundimtar të gjykatës.