Kryeministri i Shqipërisë, Edi Rama, është fotografuar të martën në Dhërmi me Alex Soros, djalin e filantropit amerikan George Soros.

Sipas raportimeve, takimi është zhvilluar në rezidencën qeveritare në Dhërmi, ku Rama po qëndron prej disa ditësh.

Fotografitë e takimit janë publikuar në mbrëmje, pa u bërë të ditura menjëherë detaje mbi përmbajtjen e bisedimeve apo arsyen e takimit.

Rama ndodhet në jug të Shqipërisë ndërsa në Tiranë vijojnë protestat e opozitës, të cilat kërkojnë largimin e tij dhe të qeverisë.

Nuk ka ende një deklaratë zyrtare nga Kryeministria lidhur me takimin apo nëse ai ka pasur karakter politik, institucional apo privat.