TIRANË – Kryeministri Edi Rama ka bërë me dije një arritje historike për vendin, duke njoftuar se Shqipëria është pozicionuar në vendin e parë në botë në indeksin global National Cyber Security Index (NCSI), duke arritur një kuotë prej 98.33 pikësh.

Në një reagim të gjerë në rrjetet sociale, kreu i qeverisë e ka cilësuar këtë sukses si një kthesë epokale, duke e krahasuar me situatën e rëndë të 15 korrikut 2022, kur infrastruktura digjitale e shtetit shqiptar u godit nga sulmi masiv kibernetik i atribuar Iranit.

Nga cenueshmëria te maja e klasifikimit botëror Kryeministri kujtoi se ai sulm brutal kishte për qëllim të gjunjëzonte shtetin digjital shqiptar, por shërbeu si pikë kthese për të ngritur nga e para një arkitekturë të re mbrojtëse. Sipas të dhënave të ndara prej tij:

Në vitin 2023, Shqipëria u ngjit në vendin e 54-t pas krijimit të agjencisë së re të mbrojtjes kibernetike.

Në vitin 2025, vendi u rendit i 15-ti, falë bashkëpunimit të ngushtë me partnerët ndërkombëtarë, veçanërisht me Izraelin.

Sot, Shqipëria siguron kreun e klasifikimit botëror, duke integruar gjithashtu modelin e parë të Inteligjencës Artificiale proaktive në një arkitekturë mbrojtjeje në Europë.

Rama nënvizoi se sulmet nuk kanë rreshtur ndër vite, por ato janë neutralizuar me sukses falë rritjes së kapaciteteve teknologjike dhe profesionale të klasit të parë, duke e shndërruar Shqipërinë nga një shënjestër të cënueshme në një model ndërkombëtar të sigurisë kibernetike.