NEW YORK – Një banor i Brooklynit në Nju Jork ka përjetuar një nga ato mrekulli të rralla që zakonisht ndodhin vetëm në filma, pasi ka arritur të rigjejë dy unaza me vlerë të lartë emocionale, të cilat i kishte hedhur aksidentalisht në koshin e mbeturinave.

Historia e pazakontë nisi kur qytetari, pasi kuptoi gabimin fatal, u përpoq fillimisht t’i kërkonte vetë, por pa sukses. Në pamundësi për të gjetur një rrugëdalje, ai vendosi t’i drejtohej kompanisë publike të pastrimit të qytetit, “NYC Sanitation”, duke u dorëzuar para një shprese të vakët se bizhuteritë mund të shpëtoheshin diku mes mbeturinave.

Gjurmimi i plehrave dhe operacioni i suksesshëm

Në vend që ta konsumonin si një rast të humbur, punonjësit e ndërmarrjes publike morën përsipër të gjurmonin rrugëtimin e mbeturinave. Ata identifikuan me saktësi kamionin që kishte mbledhur qeset nga zona e banimit dhe më pas nisën një operacion kërkimi në pikën ku ishin shkarkuar mbeturinat.

Ajo që dukej si një gjilpërë në kashtë doli me sukses. Pas kontrollit mes një sasie kolosale mbeturinash, punonjësit arritën të lokalizonin dhe të nxirrnin të dyja unazat e humbura, të cilat përveç vlerës materiale kishin një rëndësi të jashtëzakonshme si kujtime familjare.

Nëpërmjet një postimi në rrjetin social X, “NYC Sanitation” e ndau këtë histori me ndjekësit, duke publikuar edhe fotografitë nga momenti i gjetjes dhe duke dëshmuar se me përkushtim dhe gjurmim të saktë të origjinës, çdo gjë është e mundur.