PUKË – Një vatër zjarri ka përfshirë orët e fundit “Kurorën e Gjelbër” të qytetit të Pukës, duke rrezikuar sipërfaqen e mbuluar me bimësi dhe drurë pishe.

Nga të dhënat paraprake dyshohet se zjarri mund të jetë shkaktuar qëllimisht, ndërsa për zbardhjen e plotë të rrethanave pritet të vijojë hetimi nga autoritetet.

Forcat zjarrfikëse mbërritën menjëherë në vendngjarje dhe, me ndihmën e banorëve të zonës, arritën të vënë nën kontroll flakët, duke shmangur përhapjen e zjarrit në një sipërfaqe më të gjerë.

“Kurora e Gjelbër” e Pukës përbëhet kryesisht nga drurë pishe dhe konsiderohet një prej pasurive natyrore më të rëndësishme të qytetit.

Sipas të dhënave paraprake, ky është rasti i parë i këtij lloji që ka vënë në rrezik sipërfaqen e gjelbër të zonës, ndërsa autoritetet pritet të hetojnë shkaqet dhe rrethanat e rënies së zjarrit.