BEOGRAD — Presidenti i Serbisë, Aleksandar Vuçiç, ka ripërsëritur qëndrimin e tij se pavarësia e Kosovës ka hapur të ashtuquajturën "Kuti të Pandorës" në raport me të drejtën ndërkombëtare, duke akuzuar sërish komunitetin perëndimor për standarde të dyfishta në krahasim me konfliktin në Ukrainë.

Gjatë një interviste me gazetarin Matthias Döpfner, kreu i shtetit serb ka vënë në pikëpyetje ndërhyrjen e vitit 1999 të 1999 vendeve të NATO-s pa miratimin e Këshillit të Sigurimit të OKB-së, duke theksuar se Kosova u shkëput në shkelje të Kartës së OKB-së. I pyetur për të shmangur paralelizmat me Ukrainën, Vuçiç këmbënguli se Serbia nuk ka ndërmarrë agresion ndaj vendeve të tjera dhe se, sipas Kushtetutës serbe, Kosova mbetet zyrtarisht pjesë e territorit të saj.

Gjatë bisedës, Vuçiç u ndal edhe te procesi i dialogut dhe Marrëveshja e Brukselit e vitit 2013, duke shprehur zhgënjim të hapur ndaj udhëheqësve evropianë për moszbatimin e detyrimeve nga pala kosovare, veçanërisht sa i përket themelimit të Asociacionit të Komunave me Shumicë Serbe, ndërsa pretendon se Beogradi i ka përmbushur zotimet e tij.