KORÇË — Klubi i Futbollit Skënderbeu ka reaguar me një mesazh zyrtar ngushëllimi pas ngjarjes së rëndë të tronditi qytetin e Korçës më 8 gusht, ku 20-vjeçari Joan Zyko u vra me armë zjarri nga miku i tij i fëmijërisë.

Zyko ka qenë më parë pjesë e akademisë së klubit, duke mbrojtur portën e ekipit U-15 deri në vitin 2017, ndërsa njihej edhe si një tifoz i flaktë i skuadrës korçare, e njohur si "Ujqërit e Dëborës".

Në deklaratën e shpërndarë në faqen zyrtare, klubi bardhekuq thekson:

"Klubi i Futbollit Skënderbeu shpreh dhimbjen dhe ngushëllimet më të sinqerta për ndarjen e parakohshme nga jeta të Joan Zykos, ish-futbollist i Akademisë së Skënderbeut dhe një tifoz i zjarrtë i ngjyrave bardhekuqe. Joani ishte pjesë e familjes sonë, fillimisht si futbollist i akademisë dhe më pas si një nga ata tifozë që e mbajnë Skënderbeun në zemër. Në këto momente të vështira, i shprehim ngushëllimet familjes, të afërmve dhe miqve të tij. Prehu në paqe, Joan!"