Të dhënat po ngarkohen...
Transmetuar më 09-08-2026, 21:21
KSAMIL — Pesë turistë suedezë janë shpëtuar mbrëmjen e së dielës në Ksamil, pasi mjeti lundrues me të cilin po lundronin pësoi vështirësi në det dhe rrezikoi të fundosej.
Shërbimet e Policisë Kufitare dhe Njësisë Policore Detare, gjatë patrullimit në hapësirën detare të Ksamilit, konstatuan pedalonin me pesë turistët në bord duke kërkuar ndihmë.
Efektivët ndërhynë menjëherë, tërhoqën mjetin lundrues dhe e shoqëruan drejt bregut. Të pesë turistët u nxorën në mënyrë të sigurt dhe, sipas Policisë, ndodhen në gjendje të mirë shëndetësore.
Pas shpëtimit, turistët suedezë falënderuan efektivët për ndërhyrjen dhe ndihmën e dhënë në kohë.
Policia Kufitare dhe Njësia Policore Detare vijojnë patrullimet në hapësirat detare gjatë sezonit turistik, me fokus garantimin e sigurisë së pushuesve dhe parandalimin e incidenteve në det.
Shënim: Çdo person që mund të përmendet në përmbajtjen e këtij artikulli, mbështetur mbi parimin procedural penal dhe atë universal të prezumimit të pafajësisë, konsiderohet i pafajshëm penalisht, nëse nuk ka ose deri kur të ketë një vendim të formës së prerë.
Shënim: Në disa lajme, imazhet gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
Bashkohu me kanalin e NOA WhatsApp për lajmet më të fundit direkt në celularin tënd