Për të paktën shtatë orë, Kristian Sterjo arriti ta shijonte lirinë, pasi më herët iu sul me kallash shokut të tij, i cili humbi jetën pasi mbeti i vrarë nga plumba që i shkaktuan plagë fatale.

Sterjo, 21 vjeç, lindur e banues në Korçë, menjëherë pas krimit që ndodhi pasdrekën e së shtunës ora 16.30, u pa nga policia si i dyshuar kryesor për vrasjen e Joan Zukos.

Dyshimet u përforcuan sidomos oër faktin se pamje nga kamera sigurie dhe dëshmitarë të rastit, sugjeronin se Sterjo mbante një thes në dorë dhe brenda tij doli të gjendej një armë automatike e llojit rus, Kallashnikov,  raporton noa.al.

Hetimi nxori se Sterjo e kishte ndjekur shokun e tij Joan deri në katin e tretë të një pallati që shihni te video më poshtë dhe e qëlloi duke i marrë jetën.

Menjëherë më pas, i dyshuari u zhduk në drejtim të paditur dhe policia nisi kërkime në territorin e varrezave të qytetit të Korçës dhe zonën përreth, siç shihni videon e mëposhtme.

Këtu kërkimet zgjatën me orë, por pa rezultat. Mesa duket, i riu kishte arritur të devijonte, nga varrezat te lagjja e tij dhe kishte arritur deri afër shtëpisë, ku po qëndronte i fshehur, mesa duket i paqartë se çfarë po bënte.

Lokalizimi i tij bëri që policia ta kapë dhe ta vendosë në pranga pa rezistencë, siç shihni videon më poshtë.