SERRE / GREQI — Mediat greke kanë publikuar pamjet e rënda nga momenti i përplasjes fatale ballë për ballë që ndodhi mëngjesin e djeshëm (7 gusht) në aksin kombëtar Dramë–Amfipoli, pranë zonës së Paleokomit në Serres, ku jetën e humbën 43-vjeçarja dhe djali i saj 24-vjeçar me origjinë shqiptare.

Videoja, e regjistruar nga kamera e telefonit të drejtuesit të kamionit, kap momentin kur automjeti që drejtohej nga i riu, për arsye ende të paqarta, kalon në sensin e kundërt të lëvizjes dhe përplaset fuqishëm me kamionin që po udhëtonte drejt Dramës.

Si pasojë e goditjes fatale, nënë e bir, të cilët po udhëtonin drejt vendit të tyre të punës në Ofrinio, ndërruan jetë në vend, duke lënë pas një dhimbje të madhe për familjen dhe komunitetin ku jetonin prej vitesh.