FIER — Një aksident rrugor ka ndodhur në aksin nacional Fier-Shegan, në kryqëzimin e fshatit Toshkëz, ku si pasojë e përplasjes mes dy automjeteve ka mbetur i plagosur rëndë një person.

Në ngjarje janë përfshirë një mjet tip “Benz” dhe një furgon, i cili pas goditjes së fortë ka përfunduar jashtë rruge, në kanalin anësor.

Si pasojë, drejtuesi i njërës prej mjeteve, Nevruz B., një i moshuar, ka pësuar dëmtime dhe është transportuar drejt Spitalit të Lushnjes, ku u konstatua se ishte jashtë rrezikut për jetën.

Shërbimet e Policisë Rrugore mbërritën në vendngjarje për të kryer hetimet paraprake rreth shkaqeve të aksidentit dhe për të rregulluar qarkullimin e trafikut.

Banorët dhe autoritetet vënë në dukje se ky aks nacional paraqet mangësi në sigurinë rrugore, ndërsa qarkullimi është shtuar ndjeshëm për shkak të fluksit të lartë të emigrantëve dhe pushuesve gjatë kësaj periudhe vere.