BARCELONË — Një ngjarje e pazakontë në Barcelonë të Spanjës është shpërndarë masivisht në rrjetet sociale, pasi një hajdut xhepash ka zgjedhur personin e gabuar për të tentuar vjedhjen.

Në pamjet e publikuara më 6 gusht, autori shihet duke tentuar t’i marrë sendet personale një turisti, por situata ka marrë një rrjedhë të papritur kur ky i fundit ka reaguar fizikisht, duke e rrahur hajdutin në mes të rrugës.

Edhe pse identiteti i saktë i turistit nuk është konfirmuar zyrtarisht, në rrjetet sociale dhe mes komentuesve të shumtë ka marrë dhenë aludimi se ai mund të jetë me origjinë shqiptare, për shkak të reagimit të fortë dhe mbrojtjes së menjëhershme.