Ndryshimet e reja në Kodin Rrugor kanë hyrë në fuqi, duke sjellë masa më të ashpra ndaj drejtuesve të mjeteve që shkelin rregullat e qarkullimit.

Një nga ndryshimet kryesore lidhet me drejtimin e automjetit nën efektin e alkoolit. Shoferët që tejkalojnë kufijtë e lejuar të alkoolit në gjak ose që kapen në gjendje të dehur gjatë drejtimit të mjetit mund të përballen me pezullimin e lejes së drejtimit deri në dy vite.

Masa më të forta parashikohen edhe për shkeljet që lidhen me tejkalimin e shpejtësisë. Përveç gjobave më të larta, në rastet e përsëritura mund të vendoset edhe pezullimi i patentës.

Ndryshime të tjera prekin përdorimin e telefonave celularë dhe pajisjeve të komunikimit gjatë drejtimit të automjetit. Autoritetet synojnë të reduktojnë shpërqendrimet në timon, të cilat konsiderohen ndër faktorët kryesorë që ndikojnë në aksidentet rrugore.

Kodi i ri Rrugor përcakton gjithashtu rregulla të reja për rikthimin e lejes së drejtimit pas pezullimit, duke parashikuar afate dhe kushte që drejtuesit duhet të përmbushin.

Përmes këtyre ndryshimeve synohet rritja e sigurisë në rrugë, forcimi i përgjegjshmërisë së drejtuesve të mjeteve dhe ulja e numrit të aksidenteve.