Një vatër zjarri në fshatin Pocest, në bashkinë Dibër, ka avancuar drejt zonës së banuar, duke rrezikuar disa banesa.

Falë ndërhyrjes së menjëhershme të shërbimeve zjarrfikëse dhe forcave të angazhuara në terren, është bërë e mundur frenimi i përhapjes së flakëve, duke shmangur dëmtimin e banesave.

Ekipet e emergjencës vijojnë punën për izolimin dhe shuarjen e plotë të zjarrit, ndërsa autoritetet mbeten në monitorim të situatës për të parandaluar riaktivizimin e vatrave, të favorizuara nga temperaturat e larta dhe era.

Deri më tani nuk raportohen dëme në banesa apo persona të lënduar, ndërsa operacioni për vënien nën kontroll të flakëve vijon.