KOSOVË – Drejtori aktual i Portit të Durrësit dhe ish-ministri i Mjedisit, Planifikimit Hapësinor dhe Infrastrukturës së Kosovës, Liburn Aliu, është paraqitur në Prokurorinë Speciale të Kosovës për t’u marrë në pyetje.

Sipas raportimeve të mediave, Aliu është paraqitur në organin e akuzës i shoqëruar nga avokati i tij. Marrja në pyetje e tij lidhet me dyshimet për veprën penale të “keqpërdorimit të detyrës zyrtare”, ngjarje që dyshohet se i përkasin periudhës kur ai ushtronte funksionin e ministrit në Qeverinë Kurti – një post nga i cili dha dorëheqjen në muajin gusht të vitit 2025.