Një aksident rrugor është regjistruar mbrëmjen e kësaj të hëne në aksin Peqin–Elbasan, në afërsi të fshatit Murras.

Sipas informacioneve paraprake, në përplasje janë përfshirë tre automjete, mes tyre edhe një furgon.

Si pasojë e aksidentit, tre persona kanë mbetur të lënduar dhe janë transportuar për të marrë ndihmën e nevojshme mjekësore.

Për disa minuta, qarkullimi i automjeteve në këtë segment rrugor u bllokua, duke krijuar radhë të gjata mjetesh në të dy drejtimet, ndërsa më pas trafiku nisi të normalizohej.

Në vendngjarje kanë mbërritur forcat e Policisë dhe grupi hetimor, të cilët po punojnë për zbardhjen e shkaqeve të aksidentit, si dhe për disiplinimin e qarkullimit.

Pritet një njoftim zyrtar nga autoritetet me detaje të tjera mbi rrethanat e ngjarjes.