PEJË – Një grua ka humbur jetën mëngjesin e së hënës pasi u godit nga një tren në Pejë.

Ngjarja ka ndodhur rreth orës 05:35 dhe është konfirmuar nga zëdhënësi i Policisë për rajonin e Pejës, Fadil Gashi.

Menjëherë pas marrjes së njoftimit, në vendngjarje kanë mbërritur njësitë policore dhe ekipet e emergjencës. Mjeku ka konstatuar vdekjen e gruas në vendin e ngjarjes.

Deri më tani, autoritetet nuk kanë bërë publike identitetin e viktimës, ndërsa rrethanat në të cilat ndodhi ngjarja mbeten ende të paqarta.

Policia ka nisur hetimet për të zbardhur shkaqet dhe rrethanat e plota të rastit.