TIRANË – Policia e Shtetit ka identifikuar dhe proceduar penalisht tetë të mitur, të moshës 13 deri në 15 vjeç, të dyshuar për përfshirje në dhunimin e një turisti italian 20-vjeçar, ngjarje e ndodhur më 29 korrik pranë Pallatit të Kulturës në Tiranë.

Sipas njoftimit zyrtar, pas veprimeve të shpejta hetimore të kryera nga specialistët për Hetimin e Krimeve në Komisariatin e Policisë Nr. 1, u bë i mundur identifikimi, shoqërimi dhe procedimi në gjendje të lirë i tetë të miturve. Dyshohet se ata kanë qenë pjesë e konfliktit gjatë të cilit i riu italian pësoi lëndime të lehta trupore.

Policia bën me dije se hetimet vijojnë për identifikimin e personave të tjerë të dyshuar të përfshirë në ngjarje, si edhe për dokumentimin e plotë ligjor të saj.

Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Tiranë, e cila do të vijojë me veprimet e mëtejshme procedurale.

DVP Tiranë

Identifikohen, shoqërohen dhe procedohen penalisht 8 të mitur, të moshës 13-15 vjeç, për plagosjen e lehtë të një shtetasi italian 20 vjeç.

Në vijim të informacionit të dhënë ditën e djeshme, lidhur me rastin e ndodhur pranë Pallatit të Kulturës, më datë 29.07.2026, ku mbeti i dëmtuar lehtë një 20-vjeçar italian, ju informojmë se:

Si rezultat i veprimeve të shpejta hetimore, të kryera menjëherë pas konfliktit, specialistët për Hetimin e Krimeve në Komisariatin e Policisë Nr. 1 bënë të mundur identifikimin, shoqërimin dhe procedimin në gjendje të lirë të 8 shtetasve të mitur, të moshës 13-15 vjeç, të dyshuar si të përfshirë në konflikt, gjatë të cilit 20-vjeçari italian pësoi lëndime të lehta trupore.

Puna vijon për identifikimin e shtetasve të tjerë të dyshuar si të përfshirë në konflikt, si dhe për dokumentimin e plotë ligjor të rastit.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.