Një aksident rrugor është regjistruar paraditen e sotme në qytetin e Vlorës, ku një automjet tip “Porsche” ka përplasur një vajzë teksa ajo ishte duke kaluar në vijat e bardha.

Ngjarja ka ndodhur pranë zonës së ish-Hipotekës, ndërsa e reja është transportuar në spital, ku po merr ndihmë mjekësore të specializuar.

Sipas informacioneve paraprake, pas aksidentit drejtuesi i automjetit është larguar nga vendi i ngjarjes dhe aktualisht është shpallur në kërkim nga policia.

Uniformat blu vijojnë hetimet për identifikimin e shoferit dhe lokalizimin e automjetit, ndërsa po punohet për zbardhjen e plotë të rrethanave të aksidentit.