Biznesmeni Mohamed Alabbar ka pranuar se ka bërë gabime në mënyrën se si ka zhvilluar projektet e tij në rajon, duke përfshirë edhe investimin në Shqipëri. Në një intervistë, themeluesi i kompanisë “Emaar” u shpreh se në Shqipëri ka ndërtuar shumë shpejt, duke e cilësuar këtë si një vendim të gabuar.

Alabbar u bë i njohur në Shqipëri si investitori strategjik i projektit të Portit të Durrësit, i prezantuar nga qeveria si një nga investimet më të mëdha në vend. Megjithatë, projekti është shoqëruar me debate të shumta për ecurinë e punimeve, kostot dhe problematikat e hasura gjatë zbatimit.

Në intervistën e tij, biznesmeni përmendi edhe një projekt në Mal të Zi, për të cilin tha se ishte gjithashtu një gabim, duke shtuar se vendimmarrja ishte ndikuar nga këshillat e një juristi, të cilat më pas rezultuan të pasakta.

Deklaratat e Alabbar vijnë në një kohë kur projekti i Portit të Durrësit vijon të jetë në qendër të debatit publik, ndërsa autoritetet dhe kompania po vijojnë punimet për realizimin e investimit.

Deklarata e Alabbar