Gjatë protestës së zhvilluar këtë të shtunë para godinës së Kryeministrisë, një nga aktivistët që mori fjalën nga podiumi kritikoi projektin për reformën administrativo-territoriale, duke e akuzuar qeverinë se synon të centralizojë pushtetin vendor përmes shkrirjes së bashkive.

Sipas tij, ndryshimet e propozuara në hartën territoriale nuk janë në interes të qytetarëve, por synojnë rritjen e kontrollit të qeverisë qendrore mbi pushtetin lokal.

Në fjalën e tij, aktivisti akuzoi gjithashtu qeverinë për korrupsion dhe lidhje me krimin e organizuar, ndërsa tha se reforma territoriale do ta bëjë administrimin vendor edhe më të centralizuar.

Ai u bëri thirrje qytetarëve të mbështesin protestat që po zhvillohen në bashki të ndryshme të vendit kundër projektit të reformës, duke kërkuar reagim qytetar për të kundërshtuar shkrirjen e njësive vendore.