Fituesja e “Big Brother VIP Albania 5”, Selin Bollati, ka folur për marrëdhënien e saj me DJ Gimbon, lidhje e cila nisi gjatë qëndrimit të tyre në shtëpinë e spektaklit dhe ka vijuar edhe pas përfundimit të formatit.

E ftuar në emisionin “Pushime on Top”, Selin u shpreh se raporti mes tyre është ndërtuar mbi komunikimin dhe mirëkuptimin, duke theksuar se nuk e kanë parë kurrë veten si një çift në kuptimin tradicional.

“Nuk e kemi parë asnjëherë marrëdhënien tonë si dy të dashur në kuptimin klasik. Kemi krijuar një raport shumë të shëndetshëm dhe këtë e kemi thënë edhe më parë, edhe pse shpesh është keqkuptuar nga publiku”, deklaroi ajo.

Bollati tha se mënyra se si e jetojnë marrëdhënien i dallon nga shumë të rinj të së njëjtës moshë, duke shtuar se kanë gjetur ekuilibrin e tyre dhe ndihen shumë mirë së bashku.

Ajo foli edhe për bashkëjetesën me DJ Gimbon, duke treguar me humor se gjithçka po shkon mirë, edhe pse partneri i saj nuk është gjithmonë shumë i rregullt në përditshmëri.

Selin dhe DJ Gimbo u njohën gjatë “Big Brother VIP Albania 5” dhe pas përfundimit të spektaklit kanë vijuar lidhjen e tyre, duke u shfaqur së bashku në aktivitete publike dhe duke mbështetur njëri-tjetrin në angazhimet profesionale.