KINË – Një skenë e pazakontë në një klinikë dentare në qytetin Qingdao, në provincën Shandong të Kinës, ka tërhequr vëmendjen e mijëra përdoruesve në rrjetet sociale, pasi një video e një fëmije që tenton të largohet para një ndërhyrjeje dentare është bërë virale.

Në pamje shfaqet një djalë i vogël, i cili pak para heqjes së një dhëmbi është përfshirë nga frika dhe ka vendosur të largohet me vrap nga klinika.

Videoja tregon momentin kur fëmija del nga dhoma e dentistit dhe vrapon në korridoret e spitalit, ndërsa pas tij nisen punonjës të stafit mjekësor për ta ndaluar. “Arratisja” vijoi deri në parkingun e spitalit, ku stafi arriti ta kapte dhe ta qetësonte vogëlushin.

Pas një bisede me fëmijën dhe pasi ai u qetësua, ndërhyrja dentare vazhdoi normalisht.

Pamjet kanë marrë miliona shikime dhe kanë shkaktuar reagime të shumta në internet. Shumë përdorues e kanë komentuar me humor situatën, duke kujtuar se frika nga dentisti është një nga ankthat më të zakonshme si tek fëmijët, ashtu edhe tek të rriturit.

Disa komentues e cilësuan skenën si një “arratisje heroike”, ndërsa të tjerë ndanë përvoja personale nga vizitat e tyre te dentisti.

Who would think a routine dental check would turn out to be a terrifying scene? The child in China ran away from the tooth extraction! 😂 pic.twitter.com/ssowXxPsIk

— Charya Hen (@CharyaHen2025) July 31, 2026