ALGJERI – Një aksident i rëndë rrugor ka shkaktuar të paktën 25 viktima dhe 44 të plagosur në provincën Boumerdes, në Algjeri, pasi një autobus u përmbys gjatë udhëtimit.

Sipas Agjencisë së Mbrojtjes Civile të Algjerisë, ekipet e emergjencës mbërritën menjëherë në vendin e ngjarjes, ndërsa të plagosurit u transportuan në spitalin më të afërt për të marrë ndihmën e nevojshme mjekësore.

Mediat ndërkombëtare raportojnë se kryeministri Sifi Greb vizitoi Spitalin Universitar të Boumerdes, ku po trajtohen disa nga të lënduarit, për t’u njohur nga afër me gjendjen e tyre dhe me masat e ndërmarra nga autoritetet pas tragjedisë.

Autoritetet algjeriane kanë nisur hetimet për të përcaktuar shkaqet e aksidentit, ndërsa bilanci i viktimave mund të ndryshojë në varësi të ecurisë së operacioneve të shpëtimit dhe gjendjes së të plagosurve.