SARANDË – Radhë të gjata janë krijuar në Pikën e Kalimit Kufitar të Qafë Botës, për shkak të një problemi teknik në sistemin e regjistrimit në anën greke.

Sipas burimeve nga pika kufitare, procesi i regjistrimit të personave dhe automjeteve është bllokuar përkohësisht, duke shkaktuar pritje për qytetarët që po udhëtojnë drejt Greqisë.

Autoritetet shqiptare kanë komunikuar me palën greke, e cila ka bërë të ditur se sistemi ka pësuar një defekt teknik dhe se po punohet për rikthimin e tij në funksion sa më shpejt të jetë e mundur.

Ndërkohë, fluksi i lëvizjeve vijon të jetë i lartë për shkak të sezonit turistik veror.