Brikena dhe Mateo kanë konfirmuar se po kalojnë pushimet verore së bashku në Turqi, duke ndarë me ndjekësit në rrjetet sociale fotografitë e para nga arratisja e tyre.

Dyshimet për një udhëtim të përbashkët nisën pasi të dy publikuan pamje nga i njëjti destinacion, një detaj që u vu re menjëherë nga ndjekësit. Më pas, çifti i dha fund hamendësimeve duke publikuar një foto ku shfaqen pranë njëri-tjetrit, të buzëqeshur dhe duke shijuar ditët e pushimit.

Marrëdhënia e Brikenës dhe Mateos ka qenë shpesh në vëmendjen e publikut dhe mediave, teksa gjatë kohës ka kaluar edhe periudha me ulje e ngritje. Tashmë, dyshja duket se po shijon disa momente relaksi së bashku në bregdetin turk.