Të paktën 15 persona, mes tyre shtatë efektivë policie dhe tetë sulmues të armatosur, humbën jetën të mërkurën pas një sulmi ndaj një pike kontrolli policor në provincën Khyber Pakhtunkhwa, në veriperëndim të Pakistanit.

Sipas autoriteteve, gjatë përplasjes mbetën të plagosur edhe 22 efektivë të policisë. Pas sulmit, forcat e sigurisë nisën një operacion për pastrimin e zonës dhe identifikimin e autorëve të tjerë të mundshëm.

Ngjarja ndodhi në distriktin Hangu, pranë kufirit me Afganistanin. Deri më tani, asnjë grup nuk ka marrë përgjegjësinë për sulmin.

Autoritetet pakistaneze e lidhin valën e fundit të dhunës në provincën Khyber Pakhtunkhwa kryesisht me aktivitetin e Lëvizjes së Talibanëve Pakistanezë (TTP), e cila është përgjegjëse për një sërë sulmesh të ngjashme në rajon.

Islamabadi ka deklaruar vazhdimisht se rritja e sulmeve në Khyber Pakhtunkhwa dhe në provincën Balochistan lidhet me veprimtarinë e grupeve ekstremiste që, sipas tij, veprojnë nga territori afgan. Nga ana tjetër, qeveria de facto e talebanëve në Kabul i ka hedhur poshtë këto akuza, duke mohuar çdo përfshirje në sulmet e kryera në Pakistan.

🚨Hangu: FAK attack on the Khazena Check Post has been repelled; 4 terrorists were eliminated and several others injured.

The terrorists are attempting to flee while carrying their injured companions.

Security forces and police have surrounded the terrorists, and the operation… pic.twitter.com/DGFJpztcKW

— Khorasan Ghag (@Khorasanghag_) July 29, 2026

#Update

The number of injured police personnel has reached 10. The vehicle of the DPO of Hangu was ambushed and sustained damage, although the DPO remained unharmed. According to police reports, three militants were KIA in retaliatory fire; however, this claim has not been… https://t.co/ktMLLLJx2u pic.twitter.com/nJXcQjVgs4

— InsurgentZone (@InsurgentZone_) July 29, 2026