Të dhënat po ngarkohen...
Transmetuar më 29-07-2026, 19:44
Fund i dhimbshëm për një burrë në Lezhë pasi mjeti e zuri poshtë duke i shkaktuar plagë vdekjeprurëse.
Ngjarja ndodhi sot rreth orës 18:00, në fshatin Trovicë, raporton noa.al duke cituar burime policore lokale.
Mësohet se shtetasi D. M., 63 vjeç, duke drejtuar një mjet bujqësor në një pjerrësi pranë banesës së tij, dyshohet se, aksidentalisht, ka humbur kontrollin mbi mjetin, i cili është përmbysur dhe e ka zënë poshtë.
Si pasojë e dëmtimeve të marra, 63-vjeçari ka humbur jetën në vendngjarje.
Nga veprimet e para hetimore dyshohet se ngjarja është aksidentale.
Grupi hetimor vijon punën për sqarimin e plotë të rrethanave të rastit.
Shënim: Çdo person që mund të përmendet në përmbajtjen e këtij artikulli, mbështetur mbi parimin procedural penal dhe atë universal të prezumimit të pafajësisë, konsiderohet i pafajshëm penalisht, nëse nuk ka ose deri kur të ketë një vendim të formës së prerë.
Shënim: Në disa lajme, imazhet gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
Bashkohu me kanalin e NOA WhatsApp për lajmet më të fundit direkt në celularin tënd