Një banesë u shkrumbua nga flakët mesditën e kësaj të mërkure në fshatin Domen të Postribës në Shkodër.

Dy trupa të pajetë janë gjetur momentalisht në banesën e përfshirë nga flakët në Shkodër, konfirmon noa.al nga burime lokale të policisë.

Ngjarja ka ndodhur në fshatin Domen të Postribës në Shkodër. Një trup i pajetë nga dy që janë gjetur, i përket një fëmije.

Sipas informacioneve të deritanishme, dyshohet se brenda banesës ndodhej nëna me dy fëmijët.

Nëna dhe dy fëmijët kishin shkuar te shtëpia e vjetër e cila ishte e pabanueshme dhe ka marrë zjarr.

Zjarrfikëset kanë mbërritur, por banesa ndërkohë ishte djegur. Zyrtarët thonë se mbërritja me vonesë ndodhi për shkak të terrenit malor dhe njoftimit jo në kohën e duhur.