Turqia po përballet me një tjetër vatër të madhe zjarri pyjor, kësaj radhe në zonën e Kaş, në provincën e Antalias, ku autoritetet kanë angazhuar një operacion të gjerë për vënien e flakëve nën kontroll.

Sipas mediave turke, ndërhyrja po zhvillohet si nga ajri, ashtu edhe nga toka. Në operacion janë përfshirë 6 helikopterë, 3 avionë zjarrfikës, 14 autobote me ujë, 5 mjete furnizimi me ujë, 2 automjete të reagimit të shpejtë dhe 135 efektivë të shërbimit pyjor.

Era e fortë po favorizon përhapjen e flakëve, duke e bërë më të vështirë punën e ekipeve në terren. Pavarësisht kushteve të vështira, autoritetet vijojnë përpjekjet intensive për izolimin dhe shuarjen e zjarrit.

Deri në këto momente nuk raportohen viktima apo dëme në banesa, ndërsa autoritetet mbeten në gatishmëri për të parandaluar përhapjen e mëtejshme të flakëve.