TIRANË – Në përfundim të fjalimeve të mbajtura gjatë protestës, pjesëmarrësit kanë shkruar një mesazh gjigant në Bulevardin "Dëshmorët e Kombit", pranë godinës së Kryeministrisë.

Fjala "Resignation" (Dorëheqje) është shkruar në gjuhën angleze në sheshin ku u zhvillua protesta, si simbol i kërkesës kryesore të protestuesve drejtuar kryeministrit Edi Rama.

Gjatë tubimit, protestuesit deklaruan se kërkesa e tyre mbetet dorëheqja e kryeministrit dhe e qeverisë. Ata ritheksuan gjithashtu kërkesën për krijimin e një qeverie tranzitore, e cila, sipas tyre, do të garantonte zhvillimin e zgjedhjeve të lira dhe të ndershme.

Protesta u zhvillua nën masa të shtuara sigurie, ndërsa organizatorët bënë thirrje për vijimin e mobilizimit qytetar edhe në ditët në vijim.