Xi Jinping zhvillon bisedime me Presidentin e Sllovakisë

Presidenti i Kinës zhvilloi bisedime në Sallën e Madhe të Popullit në Pekin me Presidentin e Sllovakisë Peter Pellegrini, i cili ndodhet në Kinë për një vizitë shtetërore.

Xi Jinping tha se Sllovakia ishte ndër vendet e para që vendosi marrëdhënie diplomatike me Republikën Popullore të Kinës ndaj miqësia midis dy vendeve është thellësisht e rrënjosur dhe e lulëzuar. Në vitin 2024, marrëdhëniet dypalëshe u ngritën në marrëdhënie partneriteti strategjik.

Sajë përpjekjeve të përbashkëta të të dyja palëve, besimi i ndërsjellë ka vazhduar të thellohet, bashkëpunimi ka dhënë rezultate të frytshme dhe miqësia tradicionale është rrënjosur në zemrat e njerëzve. Kina është e gatshme të punojë me Sllovakinë për të ndërtuar marrëdhënie partneriteti strategjik me respekt të ndërsjellë, besim të ndërsjellë, të barabartë, të dobishëm për të dy palët, të qëndrueshëm dhe elastik, për të përfituar më mirë popujt e dy vendeve.

Kreu i shtetit tha se në fazën tjetër, palët mund të përqendrohen në katër fusha kryesore.

Së pari, të konsolidojnë besimin e ndërsjellë strategjik dhe të mbështesin fort njëra-tjetrën.

Së dyti, thellimi i bashkëpunimit të dobishëm reciprokisht dhe promovimi i zhvillimit të përbashkët. Sllovakia ka marrë pjesë aktive në nismën "Një brez, një rrugë" dhe në bashkëpunimin Kinë-Vendet e Evropës Qendrore dhe Lindore, duke arritur rezultate të frytshme.

Së treti, rritja e shkëmbimeve midis njerëzve dhe vazhdimi i miqësisë tradicionale.

Së katërti, të mbështetet drejtësia dhe barazia ndërkombëtare, reforma dhe të përmirësohet qeverisja globale.

Presidenti vuri në dukje se bota po kalon ndryshime të shpejta. Ai tha se marrëdhëniet me BE po përballen me mundësi të reja, të rëndësishme, por edhe me shumë sfida. Ndërsa shtoi: "Nëse këto sfida mund të shndërrohen në mundësi, varet nga konsultimi i barabartë. Kina gjithmonë e ka konsideruar BE-në si një partnere dhe ka zhvilluar marrëdhëniet e saj me BE-në me sinqeritet dhe vullnet të mirë. Ajo shpreson që Sllovakia të luajë një rol konstruktiv në inkurajimin e BE-së që të përqendrohet në konsensusin e arritur midis Kinës dhe BE-së, të trajtojë siç duhet dallimet dhe kontradiktat, si dhe të promovojë zhvillimin e shëndetshëm dhe të qëndrueshëm të marrëdhënieve Kinë-BE.

Presidenti Pellegrini deklaroi se Sllovakia e vlerëson shumë partneritetin strategjik me Kinën, i përmbahet fort parimit të një Kine dhe pret me padurim rritjen e besimit të ndërsjellë, forcimin e bashkëpunimit, thellimin e miqësisë dhe zgjerimin e bashkëpunimit në fusha të reja. Ai shprehu shpresë për arritje më të mëdha në fusha të tilla si tregtia, inteligjenca artificiale, ekonomia dixhitale, robotika dhe energjia e re, duke sjellë përfitime më të mëdha për popujt e të dy vendeve. Sllovakia mirëpret ndërmarrjet kineze të investojnë dhe të bashkëpunojnë në Sllovaki.

Si një shtet anëtar i BE-së, Sllovakia është e gatshme të promovojë në mënyrë aktive bashkëpunimin BE-Kinë dhe të trajtojë siç duhet dallimet përmes dialogut dhe konsultimit.

Përpara bisedimeve, Xi Jinping mbajti një ceremoni mirëseardhjeje për Pellegrinin në Hollin Verior të Sallës së Madhe të Popullit.

Me mbërritjen e Pellegrinit, rojet e nderit u ngritën në këmbë në përshëndetje. Dy krerët e shteteve u ngjitën në podiumin e vëzhgimit, banda ushtarake luajti himnet kombëtare të Kinës dhe Sllovenisë dhe një përshëndetje me 21 topa u qëllua nga Sheshi Tiananmen. I shoqëruar nga Xi Jinping, Pellegrini vëzhgoi rojen e nderit të Ushtrisë Çlirimtare Popullore Kineze dhe ndoqi paradën.

Mesditën e asaj dite, Xi Jinping organizoi një banket mirëseardhjeje për Pellegrinin në Sallën e Madhe të Popullit.