DURRËS – Një aksident është regjistruar mëngjesin e sotëm në ambientet e Portit të Durrësit, ku një drejtues kamioni është përplasur nga një tjetër automjet i rëndë.

Sipas informacioneve paraprake, i dëmtuari, me origjinë nga Kosova, ndodhej në këmbë pranë kamionit të tij kur është goditur aksidentalisht nga një tjetër drejtues mjeti.

Pas përplasjes, shoferi është transportuar me urgjencë në spitalin e Durrësit, ku po merr trajtim mjekësor. Nuk janë bërë ende të ditura detaje mbi gjendjen e tij shëndetësore.

Në vendngjarje kanë mbërritur forcat e policisë, të cilat kanë nisur hetimet për të zbardhur rrethanat dhe dinamikën e aksidentit.

Autoritetet po punojnë për të përcaktuar shkaqet që çuan në përplasjen mes dy automjeteve të rënda.