TOKIO – Një tërmet me magnitudë 6.5 të shkallës Rihter goditi këtë të martë jugun e Japonisë, sipas të dhënave të publikuara nga Qendra Sizmologjike Evropiane-Mesdhetare (EMSC).

Sipas raportimeve, epiqendra e lëkundjes u lokalizua në ishullin Kyushu, rreth 25 kilometra nga qyteti i Kumamotos, në një thellësi prej 10 kilometrash.

Autoritetet japoneze kanë nisur monitorimin e situatës, ndërsa deri më tani nuk raportohen persona të lënduar apo dëme materiale.

Po ashtu, nuk është lëshuar asnjë paralajmërim për rrezik cunami pas tërmetit.

Ekipet e emergjencës dhe institucionet përgjegjëse vijojnë vlerësimin e situatës në zonat e prekura, ndërsa autoritetet u kanë bërë thirrje banorëve të ndjekin njoftimet zyrtare dhe të tregojnë kujdes në rast të lëkundjeve të tjera pasuese.