ELBASAN – Një aksident rrugor është regjistruar paraditen e kësaj të marte, rreth orës 09:40, në aksin kombëtar pranë rrethrrotullimit të Bradasheshit, në hyrje të qytetit të Elbasanit.

Sipas informacioneve paraprake, në përplasje janë përfshirë katër automjete. Në aksident janë lënduar dy persona të cilët u dërguan për ndihmë mjekësore në Spitalin e Elbasanit  raporton noa.al duke cituar burime policore lokale.

Sakaq raportohet se automjetet kanë pësuar dëme të konsiderueshme materiale.

Rrethanat dhe shkaqet e aksidentit mbeten ende të paqarta. Në vendngjarje kanë mbërritur forcat e policisë dhe grupi hetimor, i cili po punon për zbardhjen e plotë të dinamikës së incidentit rrugor.

Për shkak të aksidentit, në zonë u krijuan për disa minuta vështirësi në qarkullimin e automjeteve, ndërsa lëvizja u normalizua pas ndërhyrjes së autoriteteve.