TIRANË, 27 Korrik 2026 – Aktivisti Ilir Xhemalaj deklaroi gjatë fjalës së tij në protestën e zhvilluar përpara godinës së Kryeministrisë se nga ana e pushtetit është tentuar të shuhet tubimi i qytetarëve, por se kjo përpjekje do të rezultojë e dështuar.

Nga podiumi i ngritur përpara selisë së qeverisë, Xhemalaj theksoi se pjesëmarrësit kanë dalë në shesh për të kërkuar drejtësi dhe ndryshim të qëndrueshëm politik në vend.

“Sot u tentua që të shuhej protesta. Sot ka dalë populli shqiptar dhe kërkon drejtësi. Për ato jetë që na keni marrë, për vëllezërit dhe motrat tona që kemi larguar nga Shqipëria. Jemi këtu dhe kërkojmë vetëm një fjalë: dorëheqje”, u shpreh ndër të tjera aktivisti gjatë fjalës së tij.