Lionel Messi ka treguar edhe një herë anën e tij lideri, jo vetëm në fushën e lojës, por edhe jashtë saj. Kapiteni i Argjentinës ka bërë një gjest të veçantë për 25 shokët e skuadrës që e shoqëruan në triumfin e Kupës së Botës.

Detaji i veçantë u bë publik nga Kelci-Rose Bowers, futbolliste e Bournemouth dhe partnerja e mbrojtësit argjentinas Marcos Senesi, e cila ndau në TikTok pamje të paketave të personalizuara që Messi u dhuroi bashkëlojtarëve të tij.

Çdo futbollist ka marrë një set të personalizuar që përfshinte:

Një çantë shpine zyrtare, të personalizuar me emrin e secilit lojtar; Një set për pijen tradicionale “Mate”, një simbol i kulturës argjentinase dhe pjesë e pandarë e dhomës së zhveshjes së kombëtares; Një borracë luksoze Stanley në ngjyrë të artë, e personalizuar me logon e Lionel Messit.

Ky nuk është gjesti i parë i tillë nga ylli argjentinas, i cili shpesh ka treguar vlerësimin e tij ndaj shokëve të skuadrës dhe rëndësinë që i kushton unitetit të grupit.

Videoja e publikuar në TikTok u shpërnda gjerësisht në rrjetet sociale, duke marrë mijëra reagime nga tifozët dhe duke rikthyer vëmendjen te marrëdhënia e veçantë që Messi ka krijuar me bashkëlojtarët e tij në kombëtare.

🧉 EL REGALO PERSONALIZADO QUE MESSI LES ENTREGÓ A LOS JUGADORES DE LA SELECCIÓN ARGENTINA

📱 Kelci Rose, pareja de Marcos Senesi, reveló el obsequio que recibió todo el plantel de parte de Messi. Lo mostró días después de la final disputada contra España.

🎒 Cada futbolista… pic.twitter.com/8bktTJtzf7

— Rosario3.com (@Rosariotres) July 25, 2026