GJERMANI – I dyshuari për sulmin e ndodhur gjatë Paradës së Krenarisë (Pride) në Berlin është vrarë nga policia gjermane gjatë një operacioni kërkimi, raportojnë mediat vendase.

Sipas transmetuesit rajonal Rundfunk Berlin-Brandenburg (RBB), 21-vjeçari Abdul Ballout u qëllua për vdekje nga efektivët e policisë në një kompleks kopshtesh në zonën Spandau, në perëndim të kryeqytetit gjerman.

Pas sulmit, autoritetet kishin ndërmarrë një operacion të gjerë kërkimi, ku u angazhuan qindra efektivë policie për lokalizimin dhe arrestimin e të dyshuarit.

Sulmi ndodhi rreth orës 22:00, gjatë aktivitetit të komunitetit Pride në Berlin, duke lënë pas dhjetëra persona të lënduar.

Më herët, autoritetet gjermane kishin bërë të ditur se Ballout, i lindur në Gjermani dhe me origjinë libaneze, dyshohej se kishte lidhje me qarqe islamiste në Berlin.

Hetimet për motivin e sulmit dhe rrethanat e plota të ngjarjes vijojnë, ndërsa autoritetet pritet të publikojnë detaje të tjera pas analizimit të provave të mbledhura.