ITALI – Portieri dhe kapiteni i kombëtares italiane, Gianluigi Donnarumma, i ka dhënë fund beqarisë duke kurorëzuar martesën me partneren e tij Alessia Elefante në një ceremoni madhështore të zhvilluar në Locorotondo.

Në dasmë morën pjesë shumë figura të njohura të futbollit dhe sportit, mes tyre edhe sulmuesi norvegjez Erling Haaland. Ceremonia mblodhi gjithashtu emra të njohur të futbollit italian, si presidentin Giovanni Malagò, drejtorin teknik Paolo Maldini, Sandro Tonalin dhe Nicolò Barellën.

Donnarumma u shfaq në ceremoni me një kostum elegant të bardhë, ndërsa nusja Alessia Elefante mbante një vello të gjatë që i mbulonte fytyrën gjatë hyrjes në kishë.

Qendra historike e zonës Itria Valley u mbush me të ftuar dhe admirues të shumtë, të cilët qëndruan për orë të tëra pranë barrierave të vendosura për të parë mbërritjen e personazheve të njohur dhe ceremoninë në Kishën e San Giorgio Martire.

Mes të pranishmëve që morën duartrokitje dhe brohoritje nga turma ishte edhe ish-trajneri i kombëtares italiane, Roberto Mancini. Të pranishmit kërkuan fotografi dhe autografe si për Mancinin, ashtu edhe për Haaland.

Ceremonia e Donnarummas u kthye në një nga eventet më të komentuara sportive të verës, duke bashkuar figura të njohura të futbollit ndërkombëtar.