ROMA — Ish-mesfushori i njohur italian Andrea Pirlo është emëruar trajner i ri i kombëtares së Italisë, duke nënshkruar një kontratë që shtrihet deri në Kampionatin Botëror të vitit 2030.

Vendimi i Federatës Italiane të Futbollit vjen pas refuzimit të ish-trajnerit të Manchester City-t, Pep Guardiola.

Sipas marrëveshjes, 47-vjeçari Pirlo do të përfitojë një pagë vjetore deri në 1.5 milionë euro.

Pirlo, i cili fitoi Kampionatin Botëror si lojtar në vitin 2006, zëvendëson stolin e axurrëve pas një përvoje të fundit në Emiratet e Bashkuara Arabe me klubin United FC.

Më parë ai ka drejtuar Juventusin, klubin turk Fatih Karagümrük dhe Sampdorian.

Për stolin e kombëtares italiane ishte marrë në konsideratë edhe ish-trajneri Roberto Mancini.

Prezantimi zyrtar i Pirlos pritet të bëhet gjatë orëve në vijim.