Dinamo e drejtuar nga Ilir Daja ka barazuar 1-1 në transfertë ndaj skuadrës sllovene Aluminij, në ndeshjen e parë të turit të dytë kualifikues të Conference League, të zhvilluar në Maribor.

Skuadra kryeqytetase zhvilloi një ndeshje të mirë dhe kaloi e para në avantazh që në minutën e 15-të falë golit të Hekuran Berishës. Blutë patën mundësi të tjera për të dyfishuar shifrat, ku më e pastra ishte ajo e pjesës së dytë, kur shtylla i mohoi Qardakut një eurogol nga goditja e dënimit.

Pavarësisht kontrollit të lojës nga ana e Dinamos, vendasit shfrytëzuan një papakësi në mbrojtjen kryeqytetase në minutën e 83-të, ku Vrbanec barazoi shifrat në 1-1 me të vetmen gjuajtje në kuadrat.

Pas këtij barazimi, kualifikimi për në turin tjetër mbetet i hapur dhe do të përcaktohet në sfidën e kthimit, e cila do të luhet pas një jave në stadiumin “Elbasan Arena”.