Luka Modriç do të vazhdojë të jetë pjesë e Milanit edhe për një tjetër sezon. Klubi kuqezi ka konfirmuar zyrtarisht arritjen e marrëveshjes për zgjatjen e kontratës me mesfushorin kroat deri më 30 qershor 2027.

Në njoftimin e tij zyrtar, klubi vlerësoi përvojën, cilësinë dhe udhëheqjen e 38-vjeçarit brenda dhe jashtë fushës. Gjatë sezonit të kaluar, Modriç regjistroi 37 paraqitje dhe shënoi 2 gola me fanellën e kuqezinjve, ku do të vijojë të mbajë numrin 14.

Në një video-mesazh drejtuar tifozëve, kroati shprehu kënaqësinë për qëndrimin në Milano dhe u shpreh i motivuar për sfidat e sezonit të ri:

"Jam i lumtur që qëndroj te Milani, një klub ku jam ndjerë i mirëpritur që nga dita e parë. Pas një viti që nuk i përmbushi pritjet, kam një dëshirë të madhe për t’u rikthyer. Një sezon i ri dhe një sfidë e re na presin: një projekt në të cilin besoj dhe që më motivon. Jam gati të vazhdoj të jap gjithçka për këtë fanellë."

Rinovimi i Modriçit garanton vazhdimësi dhe përvojë në mesfushën e Milanit për garat e ardhshme vendore dhe evropiane.